బుల్ రన్ తో రికార్డ్ సృష్టించిన భారత స్టాక్ మార్కెట్ ! నెక్స్ట్ ఏంటి ?

 

       భారత స్టాక్ మార్కెట్లు జీవిత కాల గరిష్ఠ స్థాయిలను తాకాయి. సెన్సెక్స్ 33100, నిఫ్టి 10300 వద్ద ట్రేడ్ అవుతున్నాయి. ప్రభుత్వ బ్యాంకు లకు 2 లక్షల కోట్ల మూల ధన పెట్టుబడి సమకూర్చాలని నిర్ణయించడంతో  బ్యాంకులు పరుగు తీశాయి. బి.యెస్.ఇ బ్యాంకెక్స్ 30% లాభాలతో దూసుకెళ్ళడం మార్కెట్లు సరికొత్త స్థాయిలకి చేరడానికి కారణమైంది.

         7 లక్షల కోట్లతో చేపట్టబోతున్న భారతమాల ప్రాజెక్ట్ దేశ మౌలిక రంగానికి కొత్త ఊపు ఇవ్వబోతుంది. రోడ్ నిర్మాణ సంస్థల వృద్ధి కి  భారత మాల ప్రాజెక్ట్ ఎన్నో అవకాశాలను కల్పించబోతుంది.

         దేశ టెలికాం రంగంలో సంచలనాలు సృష్టించిన జియో, ఆ రంగంలోని చిన్న సంస్థలన్నిటిని పెద్ద సంస్థల గూటికి చేర్చి నాలుగు పెద్ద సంస్థలు మాత్రమే మిగిలేలా  చేసింది. టెలికాం రంగ కంపెనీలకు ఇప్పుడిప్పుడే పరిస్థితులు కుదుటపడుతున్నాయి.  

          ఐ.టి మరియు ఫార్మా రంగాలకు అమెరికా భయాలు వెంటాడుతూనే ఉన్నాయి.  హెచ్ 1బి సమస్యలతో ఐ.టి కంపెనీలు, యు.యెస్.ఎఫ్.డి.ఎ అనుమతుల విషయంలో ఫార్మా కంపెనీలకు గడ్డు పరిస్థితులు ఎదురవుతున్నాయి.

          గడచిన సంవత్సరంలో గృహ రుణ మరియు సూక్ష్మ రుణ కంపెనీలు అత్యుత్తమ లాభాలను నమోదు చేశాయి. విమానయాన రంగం మంచి వృద్ది కనబరచడంతో ఆ రంగాలకి చెందిన కంపెనీలు మదుపరులకు మంచి లాభాలను పంచాయి.

          చైనా లో ముడి ఖనిజాలకు అధిక డిమాండ్ ఉన్న కారణంగా అంతర్జాతీయంగా ముడి ఖనిజాలు అధిక ధరలు పలకడంతో దేశీయ కంపెనీలు మంచి వృద్ది నమోదు చేశాయి.

           జి.యెస్.టి, నోట్లరద్దుతో కారణంగా తొలుత ఇబ్బందిపడిన  ద్విచక్ర వాహనాలు, కార్ల కంపెనీలు 2017 ద్వితీయార్ధం లో అమ్మకాలు గణనీయంగా పెరగడంతో గత సంవత్సరంకంటే మెరుగైన పనితీరుని కనబర్చాయి.

           ఎఫ్.ఐ.ఐ ల ధాటికి ఒకప్పుడు పేక మేడలా కూలిపోయే స్టాక్ మార్కెట్లు ప్రస్తుతం దేశీయ సంస్థాగత పెట్టుబడిదారులు(డి.ఐ.ఐ), రిటైల్ మదుపరుల క్రమానుగత పెట్టుబడుల(సిప్)  అండతో కొత్త శిఖరాలను  అధిరోహించాయి.  ఇదే దూకుడు కొనసాగినట్లైతే మార్చ్,2018 నాటికి నిఫ్టి 12500 కి చేరే అవకాశాలు పుష్కలంగా ఉన్నాయి. భారత దేశ  వృద్ధి ఫలాలు మీకు అందాలంటే స్టాక్ మార్కెట్ లలో మ్యూచ్వల్ ఫండ్ల ద్వారా సిప్ మొదలెట్టండి మరి.

           ఆల్ ది బెస్ట్ . 

         


   

మోడి ప్రధాని గా 3 సంవత్సరాల్లో సాధించిన విజయాలు!దృష్టి సారించాల్సిన అంశాలు!

విజయాలు :

1.జనధన్/బ్యాంకు ఖాతా-ఆధార్-మొబైల్ నంబరు అనుసంధానం

2. స్వచ్చ్ భారత్

3. పెద్ద నోట్ల రద్దు

4. బొగ్గు గనుల పారదర్శక కేటాయింపు

5. విభజన చట్టం ప్రకారం ఆంధ్ర ప్రదేశ్ కి కొంతమేర ప్రత్యేక సాయం: పోలవరానికి నిధులు, రెవెన్యు లోటు పూరించడం , 24 గంటల విద్యుత్

   పధకం, కేంద్ర విద్యా సంస్థల కేటాయింపు

6. నిర్మాణ రంగ నియంత్రణా చట్టం (రియల్ ఎస్టేట్ రెగ్యులేషన్ యాక్ట్ )

7. వస్తు సేవల పన్ను ( జి. యస్.టి )

9. రైల్వే పని తీరులో మెరుగుదల.

10. కరెంట్ ఉత్పత్తిలో స్వయం సమృద్ధి

11. జమ్ము కాశ్మీర్ తో మిగతా భారతావని కి మెరుగైన రవాణా సౌకర్యాలు.

12. ఈశాన్య భారత దేశ రాష్ట్రాలపైన ప్రత్యేక శ్రద్ద

13. ఉద్యోగ భవిష్య నిధి (ఈ. పి.ఎఫ్.ఓ లో) సంస్కరణలు. నగదు నిల్వల్లో 15 శాతం వరకు స్టాక్ మార్కెట్ లో పెట్టుబడులు.

14. పారదర్శక, నగదు రహిత భారత ఆర్ధిక వ్యవస్థ దిశగా అడుగులు.

15. నిత్యవసర సరకుల ధరల నియంత్రణ

16. గృహ నిర్మాణ రంగానికి ఊతమిచ్చేందుకు బ్యాంకు నుండి తీసుకునే అప్పుపై రాయితీలు.

17. సామాన్యునికి విమాన ప్రయాణం సాకారం చేసేందుకు గంట ప్రయాణానికి 2500 గరిష్ట ధరతో విమాన ప్రయాణ టికెట్ .

18. పొరుగు దేశాలతో సత్సంబంధాలు.

19. వాస్తవాధిన రేఖ వెంబడి పాకిస్తాన్ వైపున ఉన్న ఉగ్ర శిబిరాలపైన మెరుపు దాడి.

20. భారత మాల, సాగర మాల పధకాలతో మౌలిక వసతుల మెరుగుదలకు కృషి.

21. స్పష్టమైన విదేశాంగ విధానం

22. దేశియ ఉక్కు రంగాన్ని కాపాడేందుకు విదేశాల నుండి దిగుమతవుతున్న స్టీల్ పై సుంకం విధింపు.

23. అంతర్జాతీయ ముడి చమురు ధరలకు అనుగుణంగా ప్రతి రెండు వారాలకి ఒకసారి పెట్రోల్ , డీజిల్ రేట్ల సవరింపు.

24. పర్యావరణ హిత  సౌర విద్యుత్, పవన విద్యుత్ లపైన ప్రభుత్వ ప్రత్యేక దృష్టి.

25. ముఖ్యమైన , ప్రాణాంతకమైన జబ్బుల ను నివారించేందుకు వాడే ఔషధాల ధరల నియంత్రణ.

26. గుండె ఆపరేషన్లకు వాడే స్టెంట్ ధరలకు కళ్ళెం.

27. సైన్యం ఆధునికీకరణ.

28. "భారత్ లో తయారి" కార్యక్రమం ద్వారా దేశం లో తయారీ రంగంపైన ప్రత్యేక శ్రద్ధ.

29. నల్ల ధనం పైన పోరాటం

30. వి.ఐ.పి వాహనాలపైన ఎర్ర బుగ్గ వాడే విధానానికి స్వస్తి.

31. ద్రవ్యోల్బణం ( ఇంఫ్లేషన్)  తగ్గుదల

31. అవినీతి పరుల పైన ఉక్కుపాదం .

32. మన్ కి బాత్ ద్వారా సామాన్యుడికి  చేరువ

33. విదేశాల్లో భారత ప్రతిష్ట ఇనుమడింపు.

34. గంగా , నర్మదా నదుల ప్రక్షాళన.

35. సుకన్య సమృద్ది యోజన ద్వారా ఆడ బిడ్డల భవిష్యత్ కు భరోసా.

36. బినామి చట్టం.

37. పెండింగ్ రోడ్ ప్రాజెక్ట్ లకు ఉన్న ప్రతిబంధకాలను తొలగించడం.

38. చార్ ధాం ప్రాంతాలని కలుపుతూ రైలు మార్గం నిర్మాణం.

దృష్టి సారించాల్సిన అంశాలు:

1. మరిన్ని ఉద్యోగాల సృష్టి.

2. మౌలిక వసతులైన రోడ్లు, రైల్వే ప్రాజెక్ట్ లను నిర్దేశిత వ్యవధిలో పూర్తి చేయడం.

3. ప్రభుత్వ బ్యాంకుల మొండి బకాయిల ప్రక్షాళన.

4. విజయ మాల్యాని భారత్ కి రప్పించడం. నల్ల ధనం సంబంధిత కేసులకు త్వరగా పరిష్కారం మరియు ఆస్తుల స్వాధీనం.

5. ప్రభుత్వ సంస్థలన్నిటిని లాభాల్లోకి తెచ్చేందుకు ప్రయత్నించాలి.

6. పాకిస్తాన్ తో మరింత కఠిన వైఖరి అవలంబించాలి.

7. విభజన చట్టం ప్రకారం అంధ్ర ప్రదేశ్ కి రైల్వే జోన్ కేటాయించాలి. రాజధాని అమరావతి నిర్మాణానికి మరిన్ని నిధులివ్వాలి.

8. విద్య, వైద్య రంగాలని ప్రక్షాళన చేయాలి.

9. నక్సలైట్ సమస్యకి పరిష్కారం కనుగొనడం.

10. జవాన్లకి అత్యాధునిక యుద్ధ సామాగ్రి అందజేయడం.

11. భూగర్భ జలాల పెంపు పై ప్రత్యేక శ్రద్ధ వహించడం.

12. అన్ని ప్రభుత్వ సాఖల కార్యకలాపాలను అంతర్జాలం ద్వారా అందరికి అందుబాటులోకి తేవడం.

2016 కృష్ణా పుష్కరాలపై అంధ్ర ప్రభుత్వం విడుదల చేసిన ప్రత్యేక వీడియో !

             2016 లో  నారా చంద్ర బాబు నాయుడు సారధ్యంలో ఆంధ్రప్రదేశ్ రాష్ట్ర ప్రభుత్వం కృష్ణా పుష్కరాలను ఎంతో అద్భుతంగా నిర్వహించింది. 12 సంవత్సరాలకు ఒక సారి వచ్చే ఈ సంబరాన్ని అంబరాన్నంటేలా ఏర్పాట్లు చేసి అందరి మన్ననలు పొందింది. కోట్లాది మంది పుణ్యస్నానాలు ఆచరించే ఈ సందర్బంలో అందరికీ ఉత్తమ వసతులు కల్పించి అందరి చేత శభాష్ అనిపించుకుంది. ఆంధ్రప్రదేశ్ ప్రభుత్వం ఎంతో ఘనంగా నిర్వహించిన పుష్కరాల పైన ప్రత్యేక వీడియో రూపొందించింది. 

          ప్రతి తెలుగు వాడు, ప్రతి హిందువు పాలుపంచుకోవాలనుకునే ఆ 

 సందర్భంలో తీసిన ప్రత్యేకమైన వీడియో ఇది. తప్పక చూడండి.

English:

Telugu: